Guddiyada dib u eegista Dastuurka KMG Soomaaliya ayaa maanta soo saaray bayaan ay ku qeexayaan in faragalin lagu haayo shaqadoodi ku aadan dib u eegista Dastuurka.
Guddiga madaxa banaan iyo laba guddi ee Barlamaanka Soomaaliya ee dib u eegista Dastuurka ayaa shaaca ka qaaday inay dareemayaan in loo gacan dhaafay howshoodi ku saabsan Dastuurka.
Inkastoo ay si waadix u qirin cida faragelinta ku haysa shaqadooda,haddana waxa ay xuseen in aysan haysanin imkaaniyaad badan o horey u dhaqaajin lahaa howsha dib u eegista Dastuurka.
Senator Xuseen Sheekh Maxamuud oo ah Xoghaya Guddiga dib u eegista Dastuurka ee Baarlamaanka Soomaaliya ayaa u akhriyay dhowrka qodob ee cabashada ah warbaahinta gudaha.
Waxyaabaha bayaankoodi ku xusan waxaa kamid ah dhaqaale la’aan,shaqaale iyo agabkii howsha lagu qaban lahaa.
Dhinaca kale Guddiga Madaxa Banaan ee dib u eegista Dastuurka Soomaaliya waxa ay 5 Cutub oo laga soo shaqeeyay ku wareejiyeen xubnaha Golaha Aqalka Sare ee Baarlaanka Soomaaliya.
