Guddoomiyaha Golaha Shacabka mudane Maxamed Mursal Sheekh Cabdiraxmaan ayaa u magcaabey Cabdulqaadir Maxamed Nuur “Jaamac” inuu noqdo la taliye sare oo ka tirsan xafiiska guddoomiyaha Golaha Shacabka.
Warqad ka soo baxdey xafiiska gudoomiyha ayaa lagu magacaabey mudane Jaamac oo maalmo ka hor xilkii ku xigeenka taliyaha hay’adda sirdoonka qaranka looga qaadey dikareeto madaxweyne Farmaajo uu soo saarey.
In Guddoomiye Mursal uu lataliye sare u magacaabo mudane Jaamac kama soo wareegin 72-saac xil ka qaadistiisii.
Cabduqaadir Maxamed Nuur “Jaamac” ayaa muddo ka soo shaqeeyey safaaradda dowladda soomaaliya ay ku leedahay dalka Turkiga isagoona soo noqdey gunsulka safaaradda dowladda Sooomaaliya ee Turkiga ka hor inta aan loo magacaabin ku xigeenka taliyaha ha’adda nabad sugidda qaranka oo uu sidoo kale ku sime taliye ka noqdey.
Jaamac ayaa saaxiibo dhow la ah gudoomiyaha golaha shacabka mudane Maxamed Mursal Sheekh Cabdiraxmaan iyagoona hore uga soo wada shaqeeyey safaaradda dalka Turkiga xilli uu guddoomiye Mirsal uu ahaa safiirka Soomaaliya u fadhiya Turkiga.
