Xildhibaan Khadiija Diiriye “ Baarlamaanka waligiis kuma fakarin in qoondo gurmad ah ay meel dhigaan”
Xildhibaan Qadiijo Maxamed Diiriye, oo kamid ah Golaha Shacabka ee Baarlamaanka Soomaaliya ayaa sheegtay in dadka Soomaaliyeed ee fatahaadaha ay saameeyeen loo gurmado, gaar ahaan dadka ku nool degmada Afgooye.
Marwo Qadiija, ayaa fadhigii shalay ee Golaha hortiisa ka sheegtay in meel hoo u baahan, uusan hadal waxba ka tarin, waxaa ay soo kale sheegtay in Baarlamaanka uusan waligiis ku fakarin in qoondo gurmad ah ay meel dhigaan, madaama Baarlamaanka uu ansixiyo miisaaniyadda dalka Soomaaliya.
Wasaaradda Gar-gaarka iyo maareynta masiibooyinka, miisaaniyadeeda waan ognahay, waa running cost oo keliya iyo mushaarka shaqaallaha, sidaasi awgeed wax aan ku eedi karno ma lahan, ayey hadalka sii raacisay.
Ra’iisul Wasaaraha Jamhuuriyadda federaalka Soomaaliya mudane Xasan Cali Khayre ayaa shalay faray wasaaradda maaliyadda in si deg deg ah loo bixiyo $500,000 (Shan Boqol oo Kun Oo Doollar) oo xukuumaddu ay u qorsheysay gurmad degdeg ah oo loo sameeyo dadka ay saameeyeen fatahaadaha dhibaatada badan ka geystay degmada Afgooye ee gobalka Shabeellada Hoose.
Amarka Ra’iisul Wasaaraha ayaa daba socday kulan looga hadlayay xal u helidda fatahaada Afgooye oo Mudane Xasan Cali Khayre uu Dhuusamareeb kula yeeshay madaxweynaha dowlad gobaleedka Koonfur Galbeed, Cabdicasiis Xasan Maxamed (Lafta Gareen).
Wasiirka maaliyadda xukuumadda federaalka Soomaaliya Dr. Cabdiraxmaan Ducaale Bayle, ayaa sheegay in sida ugu dhaqsaha badan lagu bixinayo lacagta si loogu guuleysto qorshaha naf-badbaadinta ah iyo u gurmashada kumannaanka qoys ee daadadku saameeyeen.
Hassan Istiila
Mogadishu,Somalia
