Baarlamaanka 

Ra’iisal wasaare Rooble “Barnaamijka Xukuumadda waxaa saldhig u ah arrimaha hortabinta u leh dalka oo ay ugu horreyso qabsoomidda doorashooyinka”

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble oo golaha Shacabka horgeeyay xubnaha cusub iyo qorshaha golaha Xukuumadda ayaa xusay in barnaamijka Xukuumaddu ay saldhig u yihiin arrimaha hortabinta u leh dalka oo ay ugu horreyso qabsoomidda doorashooyinka, adkaynta amniga, horumarinta caddaaaladda, dowlad-wanaagga, kordhinta adeegyada aas-aasiga ah ee bulshada.

Ra’iisul Wasaare Rooble ayaa sheegay in xukuumaddiisu ay wadajir ugala shaqaynayso dowladaha xubnaha ka ah DF iyo shacabka Soomaaliyeed suggidda aminga xilliga doorashadda, iyadoo laga amba-qaadayo go’aannadii ka soo baxay shirarkii Samareeb iyo midkii ka danbeeyey ee Golaha Wadatashiga Qaranka ay ku heshiiyeen Muqdisho, 17kii Sebtember 2020, laguna qeexayay qaabka doorashooyinka, ergooyinka, deegaan doorashada, qoondada haweenka iyo in ay doorashooyinku ay ku dhacaan waqtigooda.

“Xukuumadda oo kaashanaysa dowladaha xubnaha ka Ah DF, waxay dardar-gelinaysaa dadaallada dhammaystirka dib-u-eegista qorshaha Amniga ee xilligan muhiimka ah. Waxa aan shaki ku jirin in fulinta qorshahaan uu siin-doono shacabka, hay’adaha dowladda iyo ciidamada amniga fursad ay si wadajir ah u sugayaan xasilloonida iyo nabadda dalka”ayuu yiri ra’iisalwasaare Rooble.

Warar kale oo la xiriira