Baarlamaanka 

Guddoomiyaha Golaha Shacabka iyo Ra’iisul wasaaraha oo maanta daah-furay shirka Banbaxa Golaha Wasiirrada

Guddoomiyaha Golaha Shacabka Maxamed Mursal Sheekh Cabdiraxmaan iyo Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble, ayaa maanta si wada-jir ah u daah-furay shirka Banbaxa Golaha Wasiirrada.

Shirkan oo socon doono 3-5-ta bisha, ayaa looga hadli doonaa dar-dar gelinta qorsheyaasha  Xukuumadda hortabinta u leh, gaar ahaan doorashooyinka, amniga, kordhinta dhaqaalaha, daynta cafinta, horumarinta bulshada, caddaaladda iyo qorshaha waxqabadka Xukuumadda ee 100ka maalmood.

Guddoomiye Mursal, ayaa khudbadiisa kaga hadlay ahmiyada xiriirka iyo wadda-shaqeynta Baarlamaanka iyo Xukuumadda.

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble, ayaa sheegay in Xukuumaddiisu ay ku shaqeyn doonto qorshaha horumarinta Qaranka ee 9-aad iyo natiijadii ka soo baxday shirarkii madaxda Qaranku ay ku yeesheen Samareeb iyo Muqdisho.

Guddoomiyaha Golaha Shacabka Mudane Maxamed Mursal Sheekh Cabdiraxmaan, ayaa Golaha kula dar-daarmay in ay hir-geliyaan, qodobada saldhigga u ah barnaamijka Xukuumadda ee Golaha Shacabku ay ansixiyeen.

Hassan Istiila

Mogadishu, Somalia 

Warar kale oo la xiriira