46 xildhibaan oo ka tirsan Golaha Wakiilada Somaliland, ayaa maanta kasoo horjeestay, wax-ka-beddel shalay lagu sameeyay xeerka doorashooyinka Somaliland.
Xildhibaan Mustafe Khayre, oo kamid ahaa xildhibaannadii shirka jaraa’iid ku qabtay magaalada Hargeysa, ayaa qayru-sharci ku tilmaamay iyo sharci jebin wax-ka-beddelka xeerka.
Xidlhibaanka ayaa intaasi ku daray in kooramka goluhu uusan buuxin shalay markii la ansixinayay xeerka, isla markaana ay 33 xildhibaan oo kali ahi fadhiyeen, balse guddoonka Golaha ayaa sheegay in 52 xildhibaan ay fadhiyeen kulanka.
Mudanayaasha ayaa ku hanjabay in ay keeni doonaan mooshin ka dhan ah xeerka, ayna cod ku hor istaagi doonaan in xeerkaasi uu gaaro golaha guurtida
Golaha Wakiilada Somaliland ayaa Isniintii ansixiyay wax-ka-beddalka xeerka doorashooyinka, isaga oo meel mariyay soojeedintii guddida ganacsatada ee ahayd in la is raaciyo doorashooyinka madaxtooyada iyo urrurada.
Hassan Istiila
Mogadishu, Somalia
